PANIHARI FOLK SONG LYRICS
काळी कळायण उमटी ऐ
पणिहारी जियलो मिरगां नैणी जियलो
गहरी छांटा रो बरसे मेह, बाला जो
मोटोड़ी छांटा रो बरसे मेह बाला जो।
साथ सहेल्या रो झुलणो ऐ
पणिहारी जियलो बाला राणी जियलो
पाणी ने चाली पणिहार बाला जो
पाणी ने गई पणिहार बाला जो।
औरां रे काजळ टिकिया ऐ
पणिहारी जियलो मिरगां नैणी जियलो
थारोड़ा फीका फीका नैण बाला जो
थारोड़ा फीका फीका नैण बाला जो।
औरां रा परण्यां घर बसे रे
पणिहारी जियलो बाला राणी जियलो
म्हारोड़ा बसे रे परदेश बाला जो
म्हारोड़ा बसे रे परदेश बाला जो।
एक ओठिडो म्हाने इस्यो मिल्यो रे
पणिहारी जियलो मिरगां नैणी जियलो
पूछे म्हारे मनड़े री बात बाला जो
पूछे म्हारे मनड़े री बात बाला जो।
किणजी सरिखो डिगो पातळो ऐ
पणिहारी जियलो बाला राणी जियलो
किणजी सरिखो उणियार बाला जो
किणजी सरिखो उणियार बाला जो।
देवरजी सरिखो डिगो पातळो ऐ
पणिहारी जियलो मिरगां नैणी जियलो
नेणकडी नणदल रे उणियार बाला जो
लाडकड़ी नणदल रे उणियार बाला जो।
थे तो बहू जी म्हारा भोळा घणा ओ
पणिहारी जियलो बाला राणी जियलो
हुँ तो थारोडो भरतार बाला जो
हुँ तो थारोडो भरतार बाला जो।
काळी कळायण उमटी ऐ
पणिहारी जियलो मिरगां नैणी जियलो
गहरी छांटा रो बरस्यो मेह बाला जो
मोटोडी छांटा रो बरसे मेह बाला जो।