CHHOTI SI UMAR PARNAYI YE BABO SA LYRICS RAJASTHANI FOLK SONG
छोटी सी उमर परणाई ये बाबो सा
काईं थारो करयो मैं कसूर
हो………
इतरा दिना तो म्हाने लाड लडाया
अब क्यों करो सा म्हाने दूर
हो………
छोटी सी उमर परणाई ये बाबो सा
काईं थारो करयो मैं कसूर
थारे पिपलिएरी भोली मैं चिड़कली
थे चाहो तो उड़ जाऊ सा
मैं तो बाबोसा थारे खूंटे री गावडली
ठोरो जठे ही ठुर जाउला
भेजो तो भेजो बाबुल
मरजी है थारी
सावन में बुलाई ज्यो जरुर
छोटी सी उमर परणाई ये बाबो सा
काईं थारो करयो मैं कसूर
थां घर जन्मी थां घर खेली
अब घर भेजो दूजे
ओ………..
आगे बढूँ तो पग पाछा पड़े
म्हारो कालजीयो थर थर धूजे
मुंडे (मुंह से) सू (से) काईं बोला
म्हारा आन्सुडा बोले
हिवड़ो भरयो है भरपूर
ओ………..
छोटी सी उमर परणाई ये बाबो सा
काईं थारो करयो मैं कसूर
संग की सहेल्या आवो आपां गले मिल ल्या
फेरु कद मिलणु होवे सा
भाई भाभी मावडली सू जाऊ मैं बिछड के
आँखड़लिया म्हारी रोवे सा
ओ…………..
काईं कराँ म्हाने तो निभानो पडेगो
दुनिया को यो दस्तूर
छोटी सी उमर परणाई ये बाबो सा
काईं थारो करयो मैं कसूर
हो………
इतरा दिना तो म्हाने लाड लडाया
अब क्यों करो सा म्हाने दूर
हो………
छोटी सी उमर परणाई ये बाबो सा
काईं थारो करयो मैं कसूर
काईं थारो करयो मैं कसूर